რუსეთი აღადგენს საქართველოსთან ურთიერთობას, იმ პირობით, რომ ქართული მხარე აღიარებს 2008 წელს მომხდარ ფაქტს. ამის შესახებ რუსეთის პრემიერ მინისტრმა დიმიტრი მედვედევმა Russia Today-სთან ინტერვიუში განაცხადა.
„შეგახსენებთ, რომ რუსეთის ფედერაციას არ გაუწყვეტია დიპლომატიური ურთიერთობები საქართველოსთან. ჩვენ მზად ვართ მის აღსადგენად, გარკვეული პირობებით, რომელიც მარტივია - იმ ფაქტის აღიარება რაც მოხდა. შესაძლოა, ეს წავა უფრო მეტად აკურატული, ძნელი გზით (...). მაგრამ დარწმუნებული ვარ, რომ უკან, არსებულთან დაბრუნება არ იქნება", - განაცხადა მედვედევმა.
მედვედევმა ასევე აღნიშნა, რომ სახელმწიფოებს შორის ურთიერთობების გაწყვეტაში ბრალი მიხეილ სააკაშვილს მიუძღვის.
„ბოლო წლების განმავლობაში ჩვენს ურთიერთობებში ყველაზე სამწუხარო ფურცელი გადაიშლება და წავა პოლიტიკური არენიდან სააკაშვილის გაქრობასთან ერთად და სხვა ზოგიერთ ადამიანთან, რომლებიც დაკავშირებულნი არიან ამ სამწუხარო გადაწყვეტილების მიღებასთან", - განაცხადა მედვედევმა.
შეგახსენებთ, რომ 8 აგვისტოს რუსეთის საქართველოში 2008 წლის ინტერვენციიდან 5 წელი სრულდება.
მასალის გამოყენების პირობები