,,ნაციონალური მოძრაობის" ერთ-ერთი ლიდერის გიორგი გაბაშვილის განმარტებით ვანო მერაბიშვილი ,,ნაციონალური მოძრაობის" გენერალურ მდივნად უნდა დარჩეს. როგორც ჟურნალისტებთან გაბაშვილმა განმარტა ის ასევე მიესალმება პრეზიდენტის ინიციატივას პარტიის განახლებისა და აღმასრულბელი მდივნის თანამდებობის შემოღების თაობაზე.
,, ვანო მერაბიშვილი მოგეხსენებათ არის ჩვენი პარტიის გენერალური მდივანი, ის არის საპატიმროში და ჩვენ ყველა სოლიდარულები ვართ მის მიმართ. ის უნდა დარჩეს გენერალურ მდივნად, ყოველ შემთხვევაში ასეთია ჩემი და ბევრის პოზიცია პარტიაში. თუმცა იმისთვის, რომ აღმასრულებელი ფუნქციები არ შეფერხდეს და პარტიამ როგორც გამართულმა პოლიტიკურმა პარტიამ იმუშაოს პრეზიდენტი ასევე გვთავაზობს აღმასრულბელი მდივნის პოსტის შემოღებას, რომელიც პარტიის მენეჯერი იქნება", _განაცხადა გაბაშვილმა.