საპარლამენტო უმრავლესობის ერთ-ერთმა ლიდერმა კობა დავითაშვილმა კოალიცია ,,ქართული ოცნება" დატოვა. ამის შესახებ საგანგებო პრესკონფერენციაზე კობა დავითაშვილმა განაცხადა და ის მიზეზები განმარტა რის გამოც უმრავლესობა დატოვა.
,, ახალაიას გამართლება ჩემთვის კატეგორიულად მიუღებელია, ახალაიას გამართლება არ არის დემოკრატიის ზეიმი და გამარჯვება. სასამართლო დამოუკიდებელია კანონისგან და თავისუფალია სინდისისგან. ის დამოკიდებულია იმ დანაშაულებრივ რეჟიმზე, რომლის ნაწილს წარმოადგენდა და დღესაც წარმოადგენს. ეს არ არის ჩვენი მთვარი დაპირება, რომელიც ჩვენ შევასრულეთ და თურმე კიდევ უნდა დავპირდეთ, რომ ასეთივე დამოუკიდებლობა შენარჩუნდება. საქართველოსი სასამართლო არ არის დამოუკიდებელი", _განაცხადა დავითაშვილმა და აღნიშნა, რომ სასამართლოს გადაწყვეტილება ბაჩო ახალაიასთან დაკავშირებით არის დაცინვა იმ ხალხის ვინც დღემდე სამართლიანობის აღდგენას ელის.
მისივე განმარტებით, სასამართლოს გადაწყვეტილებას ბაჩო ახალაიასთან დაკავშირებით უკვე მოჰყვება მერაბიშვილისა და სხვა ,,ჯალათების უმანკო კრავებად გამოცხადება". როგორც დავითაშვილმა განაცხადა მისთვის მიუღებელია ის კურსი რომელსაც ხელისუფლება ახორცილებს, რის გამოც საპარლამენტო უმრავლესობას ტოვებს.