,,ფარულ ჩანაწერებთან დაკავშირებით პრეზიდენტის პასუხისმგებლობაც უნდა იქნას გათვალისწინებული", _განაცხადა საპარლამენტო უმრავლესობის ლიდერმა დავით საგანელიძემ ფარულ ჩანაწერებთან დაკავშირებით მიმდინარე გამოძიების კომენტირებისას და აღნიშნა, რომ ყველა ადამიანი, რომელიც ფარულ ჩანაწერებთანაა დაკავშირებული პასუხი უნდა აგოს.
ფარულ ჩანაწერებში თუ არის ისეთი დოკუმენტი, რომელიც როგორც მტკიცებულება რომელიმე სისხლის სამართლის საქმესთან დაკავშირებით აუცილებელი იყო, ეს უკვე ჩემი გადასაწყვეტი არ არის და ჩემს კომპეტენციას სცილდება შეიძლება ასეთი გამონაკლისი არსებობდეს და დაშვებულ იქნას. მე არ ვარ იმის მომხრე, რომ ეს რომელიმე პოლიტიკურ ძალას დავაბრალო, მაგრამ ადამიანებს ვისაც ეს ეხებოდათ იქნებოდა ეს შსს ხელმძღვანელობა, სპეცსამსახურები ვინც ამას სჩადიოდნენ, პირველ რიგში პოლიტიკური პასუხისმგებლობა პრეზიდენტის უნდა იქნას გათვალისწინებული და პასუხი უნდა აგონ", _განაცხადა საგანელიძემ.
მასალის გამოყენების პირობები
