ბოლო ორი წლის განმავლობაში საქართველოში ირანული კომპანიების რაოდენობა 84-დან თითქმის 1500-მდე გაიზარდა. ეს, შესაძლოა, უკავშირდებოდეს ორ ქვეყანას (ირანი-საქართველო. რედ) შორის სავიზო რეჟიმის შეცვლას 2011 წელს, ასევე დუბაის სანქციებს, რომელმაც აშშ-ის ზეწოლის შედეგად ირანული ბიზნესის შეზღუდვა დაიწყო.

The Wall Street Journal-ის ინფორმაცით, ვაშინგტონის განსაკუთრებულ შეშფოთებას იწვევს სამი ბიზნესმენის საქმიანობა, რომლებიც მჭიდროდ არიან დაკავშირებულნი თეირანთან: ხუშან ხოსეინპური (Houshang Hosseinpour), პოურია ნაუები და ხუშან ფარსუდეხი (Houshang Farsoudeh). ბიზნესმენები ავიაკომპანია FlyGeorgia-ს დამფუძნებლები არიან, აკონტროლებენ JSC InvestBank-ს და ასევე საქართველოში რამდენიმე მნიშვნელოვან აქტივებს ფლობენ. ისინი უარყოფენ თავაინთ კავშირებს ირანის ხელისუფლებასთან.

„ჩვენ არ ვმუშაობთ ირანის ხელისუფლებაზე. ჩვენ მას ვერ ვიტანთ და ვმუშაობთ იმაზე, რომ განვავითაროთ ბიზნესი ირანის ფარგლებს გარეთ", - განუცხადა ნაიებიმ The Wall Street Journal-ს.

უნდა აღინიშნოს, რომ JSC InvestBank-ზე კონტროლი შეძენილ იქნა ლიხტენშტეინის ფონდის KSN Foundation-ის მეშვეობით. ამჟამად ლიხტენშტეინის სამეფო საქართველოს და აშშ-ის წწარმომადგენლებთან ერთად სწავლობს საკითხს, იყო თუ არა დარღვეული აშშ-ის სანქციები JSC InvestBank-ის მეშვეობით.

საქართველოს საბანკო სექტორი მეტ წილად გამოიყენება სანქციებისგან თავის ასარიდებლად წერს გამოცემა ირანელ ჯავად გოლჩინფარზე (Javad Golchinfar) დაყრდნობით, რომელიც დაეხმარა საკუთარ თანამემამულეს საქართველოში ბიზნესის ორგანიზებაში.

ირანელი მეწარმების კავშირები და საქმიანობა სხვა ქვეყნებთან არ ექვემდებარება აშშ-ის სანქციებს, მაგრამ აშშ-ის ხელისუფლება ყურადღებით ადევნებს თვალს ირანელ ბიზნესმენებს, რადგან ეჭვობს მათი კავშირებზე ირანის ხელისუფლებასთან, განსაკუთრებით ნავთობისა და გაზის კომპანიებთან, რომელზედაც აშშ-ის სანქციები ვრცელდება.