„ამ დარღვევების ჩამდენებს აქვთ სახელები და გვარები და კონსტიტუციური უსაფრთხოების დეპარტამენტის ორი მთავარი ფიგურა, ვინმე ჩხატარაშვილი და მეორე, კუდ-ის ფაქტობრივი შემქმნელი ლევან ქარდავა, რომელიც ჩვენს მთავრობას შევარდნაძის მთავრობიდან გადმოჰყვა, - ამის შესახებ მიხეილ სააკაშვილმა ვიდეომიმართვაში განაცხადა.
მისი თქმით, ქარდავა და ჩხატარაშვილი საქართველოს ახალ ხელისუფლებასთან აქტიურად თანამშრომლობენ და ქარდავა ბიძინა ივანიშვილის მრჩევლის გია ხუხაშვილის მარჯვენა ხელია.
„სამწუხაროდ, დავტოვეთ და ძველი ცოდვები, როგორც ჩანს, ჩამოაწერეს მას ჩვენ დროსაც. დღეს ორივე თანამშრომლობს საქართველოს ახალ მთავრობასთანაც. ჩხატარაშვილი არის მარჯვენა ხელი მთავრობის მთავარი მრჩევლის და ბიზნესში მთავარი ბატონ-პატრონის, გია ხუხაშვილის. ის ერთ-ერთი მთავარი არქიტექტორია პროკურატურის მიერ განხორციელებული საქმეების, დღესდღეობით. ლევან ქარდავა არის ის ადამიანი, რომელიც პარლამენტში ჩვენი ფრაქციის წევრებს ყოველდღიურად ელაპარაკება დ აიძულებს, გავიდეს "ნაციონალური მოძრაობიდან" და აქტიურად თანამშრომლობს დღევანდელ მთავრობასთან. ეს ორი ადამიანი იყო საუბედუროდ ბევრი უკანონობის ჩამდენი, როგორც ახლა ირკვევა. მე ამ ორ ადამიანს არ ვიცნობდი, არ ვიცოდი ვინ იყვნენ ამ ბოლო დრომდე, მაგრამ ეს არ გამორიცხავს ჩემს პასუხისმგებლობას. სიცოცხლის ბოლომდე ვინანებ, რომ ასეთი საშინელების ჩამდენი სუბიექტები გადმოვიყოლეთ წინა მთავრობიდან, მივიღეთ ჩვენს მთავრობაში და მსახურობდნენ ჩემი მთავრობის დროს. მაგრამ, მე ასევე მინდა ვუთხრა დღევანდელ მთავრობას - ამ ხალხს არც მილიონებს არ უნდა აძლევდნენ, როგორც ჩემი ინფორმაციით, მათ უხდიან ბინძური შეკვეთების შესრულებაში, იმის სანაცვლოდ, რომ თავის მიერ ჩადენილი სიბინძურეები ბოლომდე ჩამოიწერონ და ყველაფრიდან გამოვიდნენ გამდიდრებულები",-განაცხადა სააკაშვილმა.