,,ნაციონალური მოძრაობა" აგონიაშია", - განაცხადა კოალიცია ,,ქართული ოცნების" დეპუტატმა ოთარ ჩრდილელმა სამტრედიაში საკრებულოს თავმჯდომარის არჩევნების კომენტირებისას.
,, სულ ახლახანს ცნობილი გახდა, რომ ,,ნაცმოძრაობის,, საკრებულოს წევრებს ღამე ტოვებენ შტაბში, უკვე მომარაგებული აქვთ პროდუქტები და რამდენიმე წევრისათვის წამლები. ამ ფაქტით კიდევ ერთხელ ჩანს თუ რაოდენ მშიშარაა ,,ნაცმოძრაობა,, და როგორ ზღუდავს ის თავისი წევრების უფლებებსაც კი. ,,ნაციონალური მოძრაობის,, საკრებულოს წევრებს, მივმართავ, რომ ნუ ჩაიგდებენ თავს ერთი მუჭა ავანტიურისტების ხელში და თავისუფლად გამოხატონ თავიანთი აზრი.
,,ნაციონალური მოძრაობა,, იმყოფება აგონიაში და საკრებულოს ყველა წევრს, გთხოვთ თავისუფლად გამოხატოთ თქვენი ნება-სურვილი, ნუ გადააქცევთ სამტრედიას ნაციონალი ფეოდალების სათარეშოდ!!!", - აცხადებს ჩრდილელი.
შეგახსენებთ, რომ ხვალ, 21 ივნისს სამტრედიაში საკრებულოს თავმჯდომარის არჩევნები გაიმართება.
