ბიძინა ივანიშვილის შეხვედრა კნუტ ვოლებეკთან პრემიერის რეზიდენციაში გაიმართა. მხარეებმა ეროვნულ უმცირესობათა უფლებების დაცვის საკითხები განიხილეს. განსაკუთრებული ყურადღება გამახვილდა დევნილთა და ოკუპირებულ ტერიტორიებზე მცხოვრები მოსახლეობის მდგომარეობაზე.
პრემიერ-მინისტრმა ოკუპირებულ რეგიონებში არსებული უმძიმესი ჰუმანიტარული მდგომარეობის შესახებ და ამ ტერიტორიებზე ადამიანის უფლებათა დაცვის მონიტორინგის განხორციელების საჭიროებაზე ისაუბრა. საუბარი შეეხო საოკუპაციო ხაზის გასწვრივ მავთულხლართების გავლებისა და ხელოვნური მიწათხრილების მოწყობის საგანგაშო პროცესს.
