"შებრძანდით იუნესკოს ვებგვერდზე და დარწმუნდით, რომ ბაგრატი ამ სიაში რჩება. სამარცხვინო და უსინდისო ტყუილია. სამწუხაროდ არასწორ ინფორმაციას ავრცელებს კულტურის სამინისტრო. Decides to retain Bagrati Cathedral and Gelati Monastery (Georgia) on the World Heritage List in Danger (წყვეტს დატოვოს ბაგრატის საკათედრო ტაძარი და გელათის მონასტერი საშიშროების წინაშე მყოფი მსოფლიო კულტურული მემკვიდრეობის ნუსხაში) - ესაა ბოლო წინადადება იუნესკოს დოკუმენტიდან, რომელშიც ბაგრატის საკითხია განხილული. ანუ მტკიცებულება იმისა, რომ ბაგრატი მსოფლიო მემკვიდრეობის სიიდან არ ამოუღიათ. ვინც კითხვა იცის, იოლად დარწმუნდება. შევეცდები აგიხსნათ, თავისუფლად შეეძლოთ, ე.წ. ამოღება, მაგრამ ასე არ მოიქცნენ, ასე, რომ დაგვიტოვეს მუშაობისა და დამატებითი არგუმენტების შესაძლებლობა, თუ რატომ არ უნდა მოხდეს ე.წ. ამოღება. მაგრამ გამომდინარე იქიდან, რომ იქ მივლინებული ადამიანები ამ რესტავრაციის კატეგორიული მოწინააღმდეგეები არიან, მოხდა: ა) ინფორმაციის შეგნებული დამახინჯება ტექნიკური უზუსტობებით, ბ) ძალიან საეჭვოა, რომ ამ მიკერძოებულობის გამო დღევანდელმა სამინისტრომ და ძეგლთა დაცვის სააგენტომ სათანადო დონეზე დაიცვას ეს პროექტი. ამიტომ აცხადებენ წინსწრებით და სიხარულით, რომ "ამოღების პროცესი დაწყებულია", - წერს რურუა.

შეგახსენებთ, რომ კულტურის სამინისტროს მიერ გუშინ გავრცელებულ განცხადებაში ნათქვამია, რომ UNESCO-ს კომიტეტის 37-ე სესიის გადაწყვეტილებით, გელათის მონასტერი და მცხეთის ისტორიული ძეგლები საფრთხეში მყოფ მსოფლიო მემკვიდრეობის ძეგლთა ნუსხაში რჩება, ბაგრატის ტაძარი კი ამ ნუსხაში აღარ იქნება.