,,აღმოჩენილ ვიდეომასალებში ჩემი ოჯახის რომელიმე წევრიც რომ მონაწილეობდეს, ისიც უმკაცრესად უნდა იქნას დასჯილი", _განაცხადა ჟურნალისტებთან საპარლამენტო უმცირესობის ლიდერმა დავით ბაქრაძემ სამეგრელოში აღმოჩენილი მასალებთან დაკავშირებით მიმდინარე გამოძიების კომენტირებისას.
"ორი აზრი არ არსებობს იმაში, რომ ამ დანაშაულის ჩამდენი ყველა პირი მთელი სიმკაცრით უნდა იქნას დასჯილი. გამოვხატავ სრულ მზადყოფნას, მთლიანად ვითანამშრომლოთ და გამოძიების პროცესს მხარდაჭერა გამოვუცხადოთ. იმ შემთხვევაში თუ უშუალოდ შემსრულებელი პირების გარდა რაიმე სხვა გასარკვევი საკითხები დგას, რამდენადაც შეიძლება, დადგეს სხვა პირების, მათ შორის, თანამდებობის პირების პასუხისმგებლობა, ჩვენ მზად ვართ, ამ თემაშიც მივიღოთ მონაწილეობა, თუ საჭიროა საპარლამენტო-საგამოძიებო კომისიის სახითაც. საკითხი აუცილებლად უნდა იქნას გამოძიებული ბოლომდე. ყველა უმკაცრესად უნდა იქნას დასჯილი. ჩვენ უკან არაფერზე არ დავიხევთ. ნებისმიერი ადამიანი, რომელსაც ამ საქმესთან შეხება ექნება, რაც არ უნდა იყოს მისი სახელი და გვარი, დასჯილი უნდა იყოს და უნდა აგოს პასუხი. მე ამას სრული პასუხისმგებლობით ვაცხადებ", _ განაცხადა ბაქრაძემ.