,,ანდრეს ფოგ რასმუსენის ვიზიტის პარალელურად ოკუპანტების მხრიდან პროვოკაციას არ გამორიცხავს", _ამის შესახებ ,,ევროპელი-დემოკრატების" ლიდერმა პაატა დავითაიამ ,,პრაიმ ტაიმის" პრესკლუბში სტუმრობისას განაცხადა.
"ოკუპირებული აფხაზეთის ტერიტორიაზე ორი დღის წინ რუსებმა დამატებითი საინჟინრო ძალები გადმოისროლეს და აქტიურად მიმდინარეობს ე.წ. სენსორებისა და ვიდეოთვალის მონტაჟი. იქ შექმნილი მდგომარეობა და ბოლო პერიოდში ადამიანების გატაცება აჩენს საფრთხეს რომ ენგურისპირა რამდენიმე სოფელს საფრთხე დაემუქროს. მე არ გამოვრიცხავ რომ ნატოს გენერალური მდივნის საქართველოში ვიზიტის პარალელურად გარკვეულ პროვოკაციას ჰქონდეს ადგილი", - აცხადებს დავითაია.
შეგახსენებთ, რომ ნატოს გენერალური მდივნის და ჩრდილოატლანტიკური საბჭოს საქართველოში ვიზიტი 26-27 ივნისს იგეგმება.
