„არა" რუსეთს იმიტომ, რომ რუსეთი ცდილობს დომინირების ურთიერთობაში ყოფნას. რუსეთი არა იმიტომ, რომ რუსეთი ცდილობს საქართველოს ხელის შეუშალოს სრულყოფასოვან სუვერენულ სახელმწიფოდ ჩამოყალიბებაში", - ამის შესახებ "ჯი-ეიჩ-ენთან" ექსკლუზიურ ინტერვიუში საქართველოს კულტურის ყოფილმა მინისტრმა ნიკა რურუამ განაცხადა.
რურუას თქმით, მიუხედავად იმისა, რომ იპერიების დრო დასრულდა, რუსეთი კვლავ აგრძელებს ძველი გზით სიარულს.
"რუსეთი ვერ ათვითცნობიერებს, რომ იმპერიის დრო აღარ არის. მაგრამ ის ჯიუტად მიერეკება ამ გზაზე. აგრძელებს ამ გზაზე სიარულს ძალით, ხელების გრეხვით, დაშინებით, შანტაჟით, ტანკებით და უნდა, რომ მაინცდამაინც პატივისცემა მოიპოვოს. პატივისცემას ასე ვერ მოიპოვებს ვერც საქართველოსგან, ვერც დანარჩენ მსოფლიოში. მას შეუძლია იყოს კარგი პარტნიორი ჩვენთვისაც, მაგრამ იმ შემთხვევაში, თუკი ის გახდება დემოკრატიული", - განაცხადა რურუამ.
მისივე თქმით რუსეთს ამჟამად მართავს ადამიანი, რომელსაც არარსებული ქვეყანა - საბჭოთა კავშირი უფრო უყვარს ვიდრე რუსეთი.
"სამწუხაროდ, რუსეთი მისტირის საბჭოთა პერიოდს, რუსეთს მართავს კაცი, რომელსაც უფრო უყვარს საბჭოთა კავშირი, ქვეყანა, რომელიც არ არსებობს, ვიდრე ქვეყანა, რომელიც არსებობს _ რუსეთი. ამიტომ „არა" რუსეთს და „კი" _ თავისუფალ სამყაროს. თავისუფალი სამყარო არის ბუნებრივი გარემო, თავისუფალი სამყარო არის ყველაფერი, ის, რაც მოგწონთ თქვენ", - განაცხადა რურუამ.
