სახალხო მოძრაობის მიერ მომზადებული რეზოლუცია ,,სამართლიანობა უნდა აღდგეს" ამ წუთებში პარლამენტის ადამიანის უფლებების დაცვისა და სამოქალაქო ინტეგრაციის კომიტეტში განიხილავენ.
უფლებადამცველი ნანა კაკაბაძის განცხადებით, სააკაშვილის რეჟიმი აუცილებლად უნდა გასამართლდეს, რადგან მათ ხალხს ცხრა წლის განმავლობაში ბევრი ზიანი მიაყენეს.
,,ცხრა წლის განმავლობაში სააკაშვილმა და მისმა რეჟიმმა ადამიანებს ბევრი ზიანი მიაყენა. მივმართავთ პარლამენტს შეისწავლონ ჩვენს მიერ მიღებული რეზოლუცია და მიიღონ კანონშესაბამისი დასკვნა", _ განაცხადა ,,ყოფილი პოლიტპატიმრების ადამიანის უფლებებისთვის" თავმჯდომარემ ნანა კაკაბაძემ.
