ავღანეთში ქართულ სამშვიდობო ბაზაზე საინჟინრო და საფორტიფიკაციო სამუშაოები დასასრულს უახლოვდება, - განაცხადა "ჯი-ეიჩ-ენისთვის" მიცემულ ექსკლუზიურ ინტერვიუში საქართველოს თავდაცვის მინისტრმა ირაკლი ალასანიამ.
"საქართველოში დაბრუნდა გაერთიანებული შტაბის დელეგაცია, რომელიც მივლინებით იმყოფებოდა ავღანეთში. ნატოს სარდლობამ სრულად გაითვალისწინა 42-ე ბატალიონის ხელმძღვანელობის რეკომენდაციები და ქართული ბაზის გამაგრების სამუშაოების 75% დასრულებულია. უახლოეს დღებში სამუშაოები სრული მოცულობით დასრულდება", - განაცხადა ირაკლი ალსანიამ.
მისივე თქმით, ქართული კონტინგენტის პირადი შემადგენლობის ფსიქოლოგიური მდოგამარეობა სტაბილურია და სამხედრო მოსამსახურეები ნებისმიერი საბრძოლო ამოცანის შესასრულებლად სრულ მზადყოფნაში არიან.
