იაპონიის ელჩმა საქართველოში ტოშიო კაიტანიმ რწმუნებათა სიგელების ასლი გადასცა საქართველოს საგარეო საქმეთა მინისტრის პირველ მოადგილეს დავით ზალკალიანს.
ოფიციალური ცერემონიის დასრულების შემდეგ გაიმართა ორმხრივი შეხვედრა. მხარეებმა განიხილეს საქართველოსა და იაპონიას შორის მჭიდრო და მეგობრული თანამშრომლობის სხვადასხვა ასპექტები, ისაუბრეს ურთიერთობების გაღრმავების შესაძლებლობებზე.
იაპონიის ელჩმა საქართველოს მხარეს მადლობა გადაუხადა თბილი მიღებისთვის და კიდევ ერთხელ დაადასტურა იაპონიის მთავრობის მტკიცე მხარდაჭერა საქართველოს სუვერენიტეტისა და ტერიტორიული მთლიანობის მიმართ. საგარეო საქმეთა მინისტრის პირველმა მოადგილემ კმაყოფილება გამოთქვა იაპონიის ახალი ელჩის დანიშვნასთან დაკავშირებით და უსურვა წარმატებები მომავალ საქმიანობაში.
