საპარლამენტო უმცირესობა უმრავლესობას იუსტიციის საბჭოს დაკომპლექტებასთან დაკავშირებით კონსულტაციებს სთავაზობს. გიორგი ვაშაძის თქმით, ისინი უმრავლესობას თავაზობენ, რომ შემოსული 35 განაცხადიდან ათს თავად შეარჩევენ, რომლიდანაც უმრავლესობამ რამდენიმეზე არჩევანი შეაჩეროს.
„ძალიან მნიშვნელოვანი საკითხი გამოდის იუსტიციის საბჭოს დაკომპლექტებათან დაკავშირებით. სამწუხაროა, რომ უმრავლესობასთან კანდიდატურებთან დაკავშირებით არანაირი კონსულტაცია არ გაგვიმართავს. შეგახსენებთ, რომ ევროსაბჭოს ევროპის კომისიის მოთხოვნით, ექვსიდან ორ კანდიდატს სჭირდება უმცირესობის მხარდაჭერა, მაგრამ უმრავლესობას უკვე გადაწყვეტილი აქვს რომელ ექვს კანდიდატს დაუჭირონ ყოველგვარი კონსულტაციების გარეშე მხარი. სულ შემოსულია 35 ადამიანის განაცხადი, აქედან ათზე მზად ვართ ვაწარმოოთ შესაბამისი კონსულტაციები და გაითვალისწინონ ჩვენი რეკომენდაციები", - განაცხადა გიორგი ვაშაძემ.
