დმანისის მაჟორიტარი დეპუტატის კახა ოქრიაშვილის განცხადებით, დეპუტატებმა დღეს მიღებულ "შრომის კოდექსზე" არჩევანი გააკეთეს ცუდსა და უარესს შორის.
მისივე თქმით, დღევანდელი "შრომის კოდექსი" არაა ის კოდექსი, რომელსაც კოალიცია ,,ქართული ოცნება" არჩევნებამდე მოსახლეობას დაჰპირდა.
,,დღეს ვაჭრობა გვიწევდა რა შეგვეცვალა და რა არ შეგვეცვალა. Mმე პირადად ეს შრომის კოდექსი არ მომწონს", -განაცხადა ოქრიაშვილმა.
შეგახსენებთ, რომ გუშინ ჯანდაცვის კომიტეტის სხდომაზე შრომის კოდექსი მთელი დღის განმავლობაში განიხილებოდა, თუმცა იმის გამო, რომ დეპუტატები რამდენიმე სადავო მუხლზე ვერ შეთანხმდნენ, რის გამოც ჯანდაცვის კომიტეტის სხდომა დღეს 09:00 საათზე ჩაინიშნა, სადაც საბოლოო გადაწყვეტილება მიიღეს.