პრეზიდენტის ადმინისტრაციის ინფორმაციით, უშიშროების საბჭოს სხდომა პრეზიდენტის მიმართვით დაიწყო და მიხეილ სააკაშვილმა დღევანდელი შემადგენლობით უშიშროების საბჭოს სხდომის მუშაობის განახლებას პოზიტიური ფაქტი უწოდა.
პრეზიდენტის რეზიდენციაში მიმდინარე უშიშროების საბჭოს სხდომას ესწრება, უშიშროების საბჭოს მდივანი გიგა ბოკერია, მისი მოადგილეები ლევან დუჩიძე და თამარ კინწურაშვილი. ასევე საგარეო დაზვერვის სამსახურის უფროსი გელა ბეჟუაშვილი, გაერთიანებული შტაბის უფროსი ირაკლი ძნელაძე და მისი მოადგილე ვახტანგ კაპანაძე.
უშიშროების საბჭოს სხდომას ასევე ესწრებიან შინაგან საქმეთა მინისტრი ირაკლი ღარიბაშვილი, თავდაცვის მინისტრი ირაკლი ალასანია, საგარეო საქმეთა მინისტრი მაია ფანჯიკიძე, საპარლამენტო უმცირესობის ლიდერი დავით ბაქრაძე, თბილისის მერი გიგი უგულავა და პრეზიდენტის ადმინისტრაციის უფროსი ანდრო ბარნოვი.
