,,მიგრაციის კანონის მოწესრიგება ახალი ხელისუფლების ერთ-ერთი უმნიშვნელოვანესი ამოცანაა", -განაცხადა ჟურნალისტებთან შეხვედრისას საგარეო საქმეთა მინისტრმა მაია ფანჯიკიძემ და აღნიშნა, რომ ამ მიმართულების მთავრობა აქტიურად მუშაობს.
,,საქართველოში მიგრაციის კანონი არ არსებობდა, რამაც გამოიწვია ბევრი სახის გაუგებრობა, იქნება დავა კერძო, თუ სახელმწიფო უწყებებთან. Aასე, რომ მიგრაციის კანონის მოწესრიგება არის ახალი ხელისუფლების ერთ-ერთი უმნიშვნელოვანესი ამოცანა. Gგარდა ამისა ევროკავშირთან ინტეგრაციის გზაზე და ვიზების ლიბერალიზაციის სამოქმედო გეგმის მიღების შემდეგ, რომელიც თებერვალში გადმოგვეცა და რომლის შესრულება დაწყბეული გვქონდა და პირველი ეტაპის დასრულებას ვილნიუსის სამიტამდე ვგეგმავთ, მიგრაციის საკითხები ერთ-ერთი მნიშვნელოვანია", ¬_განაცხადა მაია ფანჯიკიძემ და აღნიშნა, რომ მიგრაციის საკითხის მოგვარება არა მხოლოდ ევროპასთან ურთიერობისთვისაა აუცილებელი, არამედ ქვეყანას უნდა ჰქონდეს მიგრაციის პოლიტიკა.
,,შეიქმნა ჯგუფი, რომელსაც ხელმძღვანელობს იუსტიციის მინისტრი და მის შემადგენლობაში შედის საგარეო საქმეთა სამინისტროც. Aაი ამ დიდ კონტექსტში მოხდება ყველა იმ საკითხის გადახედვა, რომელიც უკავშირდება მოქალაქეების თავისუფალ უსაფრთხო გადაადგილებას", -განაცხადა ფანჯიკიძემ და აღნიშნა, როკ გამორიცხული არ არის, რომ ცვლილებები შევიდეს ქართულ ლიბერალურ სავიზო რეჟიმში.
,, არ არის გამორიცხული ცვლილებების შეტანა ლიბერალურ სავიზო პოლიტიკაში. საქართველოს 121 ქვეყანასთან აქვს უვიზო მიმოსვლა, აქედან 114-თან - ცალმხრივად, რაც ამ ქვეყნები მოქალაქეებს საშუალებას აძლევს, ვიზის გარეშე 160 დღის განმავლობაში იმყოფებოდნენ საქართველოში. ამ ქვეყნების უმრავლესობამ არათუ იგივეთი არ უპასუხა საქართველოს, არამედ ინფორმაცია კი არ მიგვიღია, რომ ცნობად მაინც მიიღეს ჩვენი ეს გადაწყვეტილება. არც ერთი თავმოყვარე ქვეყანა ამას არ უნდა აკეთებდეს. ასე, რომ, არ არის გამორიცხული, მთელ რიგ ქვეყნებთან ეს მიდგომა შევცვალოთ. მით უმეტეს, რომ ზოგიერთი ამ ქვეყნიდან არც ტურისტის და არც ეკონომიკური ინვესტიციების შემოდინება არ ხდება. გარდა ამისა, როცა ასეთი ვითარებაა მსოფლიოში, ჩვენ უნდა გავზარდოთ ჩვენი ქვეყნის უსაფრთხოება", - განაცხადა ფანჯიკიძემ.