პარლამენტის საგარეო ურთიერთობათა კომიტეტის თავმჯდომარე თედო ჯაფარიძე ელჩობაზე უარს აცხადებს. როგორც ჟურნალისტებთან ჯაფარიძემ განამარტა მას სურს მონაწილეობა მიიღოს იმ დინამიურ პროცესებში, რომელიც ბოლო დროს ქვეყანაში გამოიკვეთა.
,, ამ ბოლო პერიოდში უამრავი ახალი და ამავე დროს მწვავე თემა გამოვიდა წინა პლანზე, განვითარდა ბევრი დელიკატური ხასიათის პროცესი, როგორც ქვეყნის შიგნით, ასევე ქვეყნის გარეთ. ამ პროცესებში ძალიან აქტიურად არის ჩართული საგარეო საქმეთა კომიტეტი და პარლამენტის სხვა სტრუქტურები, საგარეო საქმეთა სამინისტროსთან და აღმასრულებელ უწყებებთან ერთად. გამომდინარე აქედან, მე მივიღე გადაწყვეტილება, სათანადო უწყებამ გამოიწვიოს ჩემი კანდიდატურა", -განაცხადა ჯაფარიძემ.
შეგახსენებთ, რომ თედო ჯაფარიძე ელჩად დიდ ბრიტანეთშია წარდგენილი.
