ნატოს გენერალური მდივნის სპეციალური წარმომადგენლის ჯეიმს აპატურაის განცხადებით, ნატოს ექსპერტები ქართველ სამხედროებზე 6 ივნისს მომხდარ თავდასხმასა და თალიბების სახელით გავრცელებულ ვიდეომუქარას შორის შესაძლო კავშირის შესახებ დასკვნა, რამდენიმე დღეში დაიდება. როგორც მან "პირველ არხთან" ინტერვიუში განაცხადა, გაერთიანებული ძალების სარდლობა და საერთაშორისო საზოგადოება ქართული სამხედროების უსაფრთოხების უზრუნველყოფას ყოველთვის შეეცდება.
"საქართველო აჩვენებს ისეთ სიმტკიცესა და გაბედულებას, როგორც ალიანსის წევრი ქვეყნები და ეს ჩვენთვის ძალიან მნიშვნელოვანია. რა თქმა უნდა, გვაქვს ინფორმაცია იმ ვიდეოს შესახებ, რაც ჯიჰადს ეხება. გვსურს ვიცოდეთ, რა არის სინამდვილეში. ქართველი ჯარისკაცების მიმართ გაზრდილია თუ არა საფრთხე და რისკები, ეს სრული ღრმა ანალიზის შემდეგ გვეცოდინება. დასკვნა უახლოეს დღეებში დაიდება", - განაცხადა აპატურაიმ.
მისი თქმით, ფაქტის კვლევა საქართველოს მთავრობის ჩართულობით მოხდება.