დადგება სერიოზული ცვლილებები რეგიონებთან დაკავშირებით, შეიძლება, განხილულ იქნას დიპლომატიური ურთიერთობების აღდგენის საკითხი, - განაცხადა რუსეთთან ურთიერთობის საკითხებში პრემიერ-მინისტრის სპეციალურმა წარმომადგენლმა ზურაბ აბაშიძეემ. მისივე თქმით, რუსეთსა და საქართველოში საელჩოების საკითხთან დაკავშირებით პოზიტიური ტენდენციები შეინიშნება.
„არ მინდა, დეტალებზე ვისაუბრო, მაგრამ ამ მიმართულებით გარკვეული პროგრესი გვაქვს. ვგულისხმობ ორივე მიმართულებას, როგორც რუსეთში საქართველოს საელჩოსთან დაკავშირებით, ისე პირიქით. არ მინდა, რაღაც მოვლენებს წინ გავუსწრო, აქაც საკმაოდ პოზიტიური ტენდენციაა", - განაცხადა აბაშიძემ და აღნიშნა, რომ რუსმა კოლეგებმა კარგად იციან, რომ ასეთ ვითარებაში დიპლომატიურ ურთიერთობებს ვერ აღდგება.
"ამიტომ ჩვენ დღეს ამაზე არ ვსაუბრობთ, მაგრამ რაღაც ეტაპზე თუ ჩვენი ურთიერთოები წინ წავა, მოხდება სერიოზული გარღვევები, დადგება სერიოზული ცვლილებები რეგიონებთან დაკავშირებით, შეიძლება, განხილულ იქნას დიპლომატიური ურთიერთობების აღდგენის საკითხი. ეს შორეული პერსპექტივაა და შეიძლება, იყოს რაღაც პროცესის შედეგი და არა მისი დასაწყისი", - განაცხადა აბაშიძემ.
