,,მიუღებლად მიმაჩნია, სამშვიდობო ოპერაციაში საქართველოს სამხედრო კონტიგენტის ამ დოზით მონაწილეობა", _ განაცხადა ,,დემოკრატიული მოძრაობის" ლიდერმა ნინო ბურჯანაძემ პარტიის ოფისში გამართულ საგანგებო პრესკონფერენციაზე და ავღანეთში დაღუპული ჯარისკაცების ოჯახებს პარტიის სახელით მიუსამძიმრა.
,,დღეს ძალიან მძიმე დღეს საქართველოსთვის, თითოეული ჩვენგანისთვის. ,,დემოკრატიული მოძრაობა" ჩვენ ყველანი ღრმა მწუხარებას გამოვხატავთ ავღანეთში ქართველი ჯარისკაცების დაღუპვის გამო და სამძიმარს ვიცხადებთ დაღუპულთა ოჯახებს, მათ ახლობლებს, მეგობრებს, სრულიად საქართველოს. Dდღეს მარლაც თითოეული ჩვენგანი დიდი გამოწვევის წინაშე დავდექით. ,,დემოკრატიული მოძრაობა" ყოველთვის ემხრობოდა საერთაშორისო სამშვიდობო ოპერაციებში საქართველოს მონაწილეობას, თუმცა ამავე დროს ჩვენ არაერთგზის აღვნიშნეთ, რომ აუცილებელია ჩვენი ქვეყნის როლი ტერორიზმთან ბრძოლაში და ის რაოდენობა ადამიანების, რომლებიც ჩართულნი არიან ამ ბრძოლაში იყოს ადეკვატური საქართველოს როლისა და ადგილისა თანამედროვე მსოფლიოში", _განაცხადა ბურჯანაძემ და აღნიშნა, რომ მისთვის მიუღებელია, რომ სამშვიდობო მისიაში საქართველო ამხელა კონტიგენტით მონაწილეობდეს.
,,საქართველოს სახელმწიფოებრივი ინტერესებიდან გამომდინარე მიუღებლად მიმაჩნია, რომ საქართველოს სამხედრო კონტიგენტი ლამის ყველაზე დიდია ნატოს წევრ სახელმწიფოთა შორისაც კი. პროცენტული რაოდენობით საქართველოს სამხედრო კონტიგენტი ჩამოუვარდება მხოლოდ აშშ-ის და დიდი ბრიტანეთის სამხედრო კონტიგენტს და შესაბამისად მსხვერპლიც პროცენტულად, თუ შეიძლება საერთოდ პროცენტულად მსხვერპლის განსაზღვრა არის ყველაზე დიდი აშშ და დიდი ბრიტანეთის დაღუპული სამხედრო მოსამსახურეების შემდეგ", _განაცხადა ნინო ბურჯანაძემ.
ბურჯანაძის განაცხადებით, იმ ფონზე როცა ნატოს წვრი სახელმწიფოები ამცირებენ საკუთარ სამხედრო კონტიგენტს, გაუგებარია საქართველო რის ფასად ზრდის სამხედრო კონტიგენტს.
,,ისმის კითხვა რა ვალდებულება აქვს აღებული საქართველოს ხელისუფლებას მიხეილ სააკაშვილს, რის ფასად, რომ საუკეთესო სამხედრო ვაჟკაცები, პრაქტიკულად, ყოველდღიურად იხოცებიან ავღანეთში, მით უფრო მაშინ, როცა საქართველოს ტერიტორიები 20% ოკუპირებულია. რა ვალდებულებების ფასად აგრძელებს იმავე გადაწყვეტილების მხარდაჭერას, დღევანდელი ხელისუფლება", -განაცხადა ნინო ბურჯანაძემ.