რუსეთი საქართველოსგან "ოკუპირებული ტერიტორიების შესახებ" კანონის გაუქმებას მოითხოვს. განცხადება ამის შესახებ რუსეთის საგარეო საქმეთა მინისტრის მოადგილემ გრიგორი კარასინმა საქართველოს პრემიერ-მინისტრის სპეციალურ წარმომადგენელთან ზურაბ აბაშიძესთან შეხვედრის შემდეგ გააკეთა.
კარასინის თქმით, მოქმედი კანონი "ოკუპირებული ტერიტორიების შესახებ სერიოზულ პრობლემად რჩება, ვინაიდან იგი აისახება იმ რუსი ტურისტების უსაფრთხოებაზე, რომლებიც საქართველოში ჩადიან - ზაფხულში კი ტურისტთა ნაკადი ბევრად დიდი იქნება.
"მთავარი რაც ჩვენი ტურისტებისათვის საფრთხეს წარმოადგენს ეს სსხლის სამართლის პასუხისმგებლობაა აფხაზეთისა და სამხრეთ ოსეთის მოსახულების გამო, დაე თუნდაც განმეორებით მონახულებისას, ეს საფრთხე მაინც რჩება.
ჩვენი აზრით, ერთადერთი სწორი გადაწყვეტილება ამ კანონის გაუქმება იქნებოდა და ეს კარგ პირობებს შექმნიდა ჰუმანიტარული გაცვლისათვის და უპირველეს ყოვლისა ტურისტული ვიზიტებისათვის", _ განაცხადა კარასინმა.
ამასთან ერთად, მისივე თქმით, მოსკოვი მზადაა თბილისთან დიპლომატიური ურთიერთობების აღდგენისათვის.
"ჩვენ ეს ურთიერთობები არ გაგვიწყვეტია და ჩვენ მზად ვართ მათი აღდგენისათვის, მაგრამ ყველაფერი დამოკიდებული იმაზე თუ ვინ იყო ინიციატორი", _ განაცხადა კარასინმა და აღნიშნა, რომ საქართველოსთან სავიზო რეჟიმის გამარტივებისათვის მუშაობა გაგრძელდება.
