„შეხვედრა ძალიან საქმიანი იყო", - განაცხადა უშიშროების საბჭოს მდივანმა გიგა ბოკერიამ სხდომის დასრულების შემდეგ და აღნიშნა, რომ დღევანდელი შეხვედრა ძალიან სასარგებლო იყო.
„შეხვედრამ ძალიან საქმიან ატმოსფეროში ჩაიარა და ძალიან სასარგებლო იყო. რა თქმა უნდა, სამწუხაროა, რომ პრემიერ-მინისტრმა ვერ მოახერხა მოსვლა, განსაკუთრებით მისი მწვავე განცხადებების ფონზე. თუ არ ვცდები პარტიის ყრილობის გახსნაზე იყო და მისი განცხადებიდან როგორც მოვისმინე, გრაფიკს ვერ შეცვლიდა, რადგან ეს არ იყო ასეთი მნიშვნელოვანი საკითხი და მე ამას არ ვეთანხმები", - განაცხადა გიგა ბოკერიამ და იმედი გამოთქვა, რომ პრემიერ-მინისტრი შემდგომ უშიშროების საბჭოს სხდომებს დაესწრება.
„იმედი მაქვს, რომ პრემიერ-მინისტრი, რომელიც აქამდე ძალიან მწვავე განცხადებებს აკეთებდა უშიშროების საბჭოსთან დაკავშირებით, ხოლო შემდეგ ვერ გამონახა დრო მოსვლის, ექნება შესაძლებლობა, რომ მონაწილეობა მიიღოს უშიშროების საბჭოს მორიგ სხდომაზე", - განაცხადა გიგა ბოკერიამ.
