პრეზიდენტის რეზიდენციაში უშიშროების საბჭოს სხდომა მიმდინარეობს. სხდომას პარლამენტის თავმჯდომარე დავით უსუფაშვილი, შინაგან საქმეთა მინისტრი ირაკლი ღარიბაშვილი, ფინანსთა მინისტრი ნოდარ ხადური, თავდაცვის მინისტრის მოადგილე თამარ ქაროსანიძე, სახელმწიფო მინისტრი რეინტეგრაციის საკითხებში პაატა ზაქარეიშვილი და საგარეო საქმეთა მინისტრის მოადგილე დავით ზანკალიანი ესწრებიან.
პრეზიდენტის რეზიდენციაში მიმდინარე უშიშროების სხდომას ასევე, უშიშროების საბჭოს მდივნის მოადგილე ბათუ ქუთელია და საპარლამენტო უმცირესობის ლიდერები დავით ბაქრაძე და გიორგი ბარამიძე ესწრებიან.
არცერთ მათგანს სხდომის დაწყებამდე ჟურნალისტებთან კომენტარი არ გაუკეთებია.
შეგახსენებთ, რომ უშიშროების საბჭოს საგანგებო სხდომა პრეზიდენტმა ოკუპირებულ ტერიტორიებზე შექმნილი ვითარების გამო მოიწვია. სადაც ოკუპირებულ ტერიტორიაზე შექმნილ ვითარებას განიხილავენ.
