1-6 ივნისს ბათუმს უკრაინიდან 12 კაციანი გადამღები ჯგუფი სტუმრობს. ჯგუფის შემადგენლობაში შედის უკრაინელი მომღერლები, მსახიობები, ოპერატორი და პროდიუსერი. გადაღებებისათვის საქართველოშიც შეარჩიეს მსახიობები, მათ შორის ცნობილი ქართველი ვარსკვლავი ზურა ყიფშიძე. ჯგუფი « Не Ангели » კლიპს ახალი ლირიული სიმღერისათვის ამზადებს, რომელიც უახლოეს მომავალში უკრაინის პოპულარულ არხებზე გაშუქდება და შესაძლოა ზაფხულის ერთ-ერთ ჰიტადაც იქცეს.
აჭარის ტურიზმის დეპარტამენტის ინფორმაციით, კლიპში ასახული იქნება ბათუმის მრავალფეროვანი ხედები და ღირშესანიშნაობები, რაც ბუნებრივია ჩვენი ქალაქის პოპულარიზაციას კიდევ უფრო შეუწყობს ხელს. უკრაინულ გადამღებ ჯგუფს აჭარის ტურიზმისა და კურორტების დეპარტამენტი უწევს მასპინძლობას. პროექტი აჭარა-ბათუმის საზღვარგარეთ პოპულარიზაციისა და სარეკლამო კამპანიის ფარგლებში ხორციელდება
მასალის გამოყენების პირობები
