,,ნაციონალური მოძრაობა" ე.წ. ადმინისტრაციული საზღვრის გადმოწევასთან დაკავშირებით საპარლამენტო უმრავლესობას კონსულტაციებს სთავაზობს. როგორც პარტიის ოფისში გამართულ პრესკონფერენციაზე საპარლამენეტო უმცირესობის ლიდერმა დავიტ ბაქრაძემ განაცხადა ქვეყანაში უნდა არსებობდეს თემები, რომელზეც ყველა პოლიტიკოსს შეეძლება ერთი პოზიციის დაფიქსირება.
"მივესალმებით ხელისუფლების მცდელობას, მოახდინოს ურთიერთობის ნორმალიზება რუსეთთა. ვფიქრობთ, რომ ამან შეიძლება, კონკრეტული სარგებელი მოუტანოს ჩვენ ხალხს, რასაც ბუნებრივია მხარს ვუჭერთ, მაგრამ ასევე მინდა პრინციპულად განვაცხადო - ნორმალიზების მცდელობა არ უნდა გადაიქცეს იმ ტიპის განცხადებებად, როგორიც ჩვენ მოვისმინეთ ზოგიერთი მინისტრის მხრიდან ამ დღეებში, რაც პრაქტიკულად ამართლებდა ოკუპაციას. საუბარი იყო იმაზე, რომ უბრალოდ რუკების დაზუსტება ხდება GPშ-ებით და არაფერი ახალი და საგანგაშო არ არის. ერთი მხრივ, ჩვენ მხარს ვუჭერთ ნორმალიზებას, მეორე მხრივ კი უნდა გავაგებინოთ რუსეთის, რომ ამ საოკუპაციო ზოლის გადმოტანა, მთლიანობაში ამ ზოლის არსებობა მთელი ქართული პოლიტიკური სპექტრისთვის არის მიუღებელი", - განაცხადა დავით ბაქრაძემ და აღნიშნა, რომ საპარლამენტო უმცირესობა მზადაა უმრავლესობასთან ერთად ამ საკითხზე საპარლამენტო რეზოლუცია მიიღოს.
