"როსპოტრებნადზორი სიამოვნებით აღნიშნავს საქართველოს ხელისუფლების გადაწყვეტილებას რ. ლუგარის სახელობის საზოგადოებრივი ჯანდაცვის ცენტრის დახურვის შესახებ, რომელიც შექმნილი იყო და ფუნქციონირებდა აშშ-ს ფინანსური დახმარებით და აშშ-ს თავდაცვის სამინისტროს სპეციალისტების დახმარებით", _ ინფორმაციას ამის შესახებ "როსპოტრებნადზორის" ოფიციალური გვერდზეა გავრცელებული.
ონიშჩენკოს უწყება აღნიშნავს, რომ რუსეთის ფედერაციის მეზობელ ქვეყანაში აშშ-ს კუთვნილი სამხედრო ლაბორატორიის არსებობა ხელს უშლიდა რუსულ-ქართული ურთიერთობების განვითარებას.
"რუსეთის ფედერაციის მეზობელ ქვეყანაში აშშ-ს კუთვნილი სამხედრო ლაბორატორიის არსებობა, რომელიც დახურულ ცდებს ატარებდა განსაკუთრებით საშიში ინფექციების თანხლებით, ყოველთვის იწვევდა ობიექტურ შეშფოთებას და ხელს უშლიდა რუსულ-ქართული თანამშრომლობის განვითარებას მოსახლეობის სანიტარუ-ეპიდემიოლოგიური კეთილდღეობის სფეროში", _ წერს ონიშჩენკოს უწყება და იმედს იტოვებს, რომ ამიერიდან ეს ცენტრი ქვეყნის ეროვნული ინტერესებიდან გამომდინარე იმოქმედებს.
"სავარაუდოდ, ლუგარის სახელობის ცენტრი საქართველოს დაავადებათა ეროვნულ ცენტრს გადაცემა, რაც საშუალების მომცემი იქნება იმისა, რომ ეს ცენტრი პრაქტიკული ჯანდაცვისა და ქვეყნის ეროვნული ინტერესების შესაბამისად იქნეს გამოყენებული", _ წერს "როსპოტრებნადზორი" და აღნიშნავს, რომ მას იმედი აქვს, რომ საქართველოს ტერიტორიაზე არსებული კიდევ ერთი სამხედრო ლაბორატორია, ზემოთაღნიშნული უწყების ბედს გაიზიარებს.
"როსპოტრებნადზორი იმედს იპოვებს, რომ კიდვე ერთი სამხედრო ლაბორატორია, რომელიც საქართველოს ტერიტორიაზე არსებობს ასევე გადაეცემა სამოქალაქო ჯანდაცვის ეროვნულ ცენტრს და საქართველოს საქართველოს მოქალაქეების ინტერესების შესაბამისად იმუშავებს და არა სხვა სახელმწიფოს სამხედრო უწყების ინტერესების შესაბამისად", _ ნათქვამია "როსპოტრებნადზორის" განცხადებაში.
