პოლიციის თანამშრომლებმა, საპატრულო პოლიციის ავტომანქანაზე თავდასხმაში ეჭვმიტანილი სამი თხა დააპატიმრეს. შემთხვევა ინდოეთის სამხრეთით მოხდა. პოლიციელთა განცხადებით, ავტომანქანას 12 თხა დაესხა თავს და მინები ჩაუმსხვრიეს. თავდასხმის შემდეგ სამართალდამცავებმა „ბოროტმოქმედებიდან" მხოლოდ სამის დაკავება მოახერხეს, დანარჩენები კი მიიმალნენ.
დაკავებული თხები პოლიციის განყოფილებაში გადაიყვანეს, სადაც მთელი ღამე გაატარეს, შემდეგ კი ცხოველთა თავშესაფარში გადაიყვანეს. ამ დრომდე უცნობია რა სასჯელს მიუსჯიან დამნაშავე თხებს.
