,,კვირეულის ფარგლებში ვიმსჯელოთ ყველა იმ აქტუალურ საკითხზე, რომელიც მნიშვნელოვანია საქართველოს ნატოში ინტეგრაციისთვის", _ განაცხადა ჟურნალისტებთან ,,ქორთიარდ მარიოტში" მიმდინარე ნატოს კვირეულის კომენტირებისას საგარეო საქმეთა მინისტრის მოადგილემ დავით ზალკალიანმა.
,,კვირეული, რომელიც დღეს იხსნება არის ძალიან მნიშვნელოვანი, რადგან ჩვენ ინტენსიურად ვამზადებთ ჩრდილო ატლანტიკური საბჭოს ვიზიტს საქართველოში, რომელიც მიმდინარე თვის ბოლოს გაიმართება. ნატოს კვირეულის ფარგლებში შესაძლებლობა იქნება ვიმსჯელოთ ყველა იმ აქტუალურ საკითხზე, რომელიც მნიშვნელოვანია საქართველოს ევროატლანტიკურ სტრუქტურებში ინტეგრაციისთვის",_განაცხადა ზალკალიანმა და აღნიშნა, რომ კვირეულის ფარგლებში შესაძლებელი იქნება, რომ არასამთავრობო სექტორის წარმომადგენლებისგან მოისმინონ პოზიციები საქართველოს ნატოში ინტეგრაციასთან დაკავშირებით.
