საქართველოში ნატოს კვირეული ოფიციალურად დაიწყო. კვირეული ,,ქორთიარდ მარიოტში" სახელმწიფო მინისტრმა ევროპულ და ევროატლანტიკურ სტრუქტურებში ინტეგრაციის საკითხებში ალექსი პეტრიაშვილმა და ნატოს გენერალური მდივნის წარმომადგენელმა სამხრეთ კავკასიისა და ცენტრალურ აზიაში ჯეიმს აპატურაიმ ოფიციალურად გახსნეს. როგორც ჟურნალისტებთან ალექსი პეტრიაშვილმა განაცხადა კვირეული ფაგლებში საქართველოს ნატოში ინტეგრგაციის საკითხებს განიხილავენ.
,,ჩვენთვის ძალიან მნიშვნელოვანია, რომ ნატოს კვირეულის ფარგლებში გვყავს წარმომადგენლობითი სტუმრების დელეგაცია. Kკონკრეტულად ამ შეხვედრას ესწრება ბატონი ჯეიმს აპატურაი, რომელიც არის ნატოს სპეციალური წარმომდგენელი სამხრეთ კავკასიასა ცენტრალურ აზიაში. Aამ ღონისძიებაში ასევე მონაწილეობენ ნატოს პარტნიორი წევრების წარმომადგენლები. Kკვირეულის ფარგლებში განხილული იქნება ნატო-საქართველოს ორმხრივ, თუ მრავალმხრივი თანამშრომლობის ფარგლებში ძირითადი პერსპექტივები", _განაცხადა პეტრიაშვილმა.
,,ქორთიარდ მარიოტში" მიმდინარე ნატოს კვირეულს ესწრებიან საქართველოში აკრედიტებული დიპლომატიური კორპუსის წარმომადგენლები, საპარლამენტო უმცირესობისა და უმრავლესობის წევრები.
შეგახსენებთ, რომ საქართველოში ნატოს დღეები უკვე მესამედ იმართება და ის 10 ივნისამდე გაგრძელდება.