"აბაშიძე-კარასინის" შეხვედრის ფორმატში სასაზღვრო თემატიკის საკითხების განხილვა - არ შედის", - აცხადებენ რუსეთის საგარეო უწყებაში.
რუსეთის საგარეო საქმეთა მინისტრის მოადგილე გრიგორი კარასინი ამ საკითხებზე ტელეფონით სამხრეთ კავკასიაში ევროკავშირის წარმომადგენელს ფილიპ ლეფორს ესაუბრა. ინფორმაციას ამის შესახებ სერგეი ლავროვის უწყება ავრცელებს.
"რაც შეეხება გახმოვანებულ მცდელობებს, რომლებიც გრიგორი კარასინისა და საქართველოს პრემიერ-მინისტრის სპეციალური წარმომადგენლის ზურაბ აბაშიძის არაფორმალურ შეხვედრებში ქართულ-სამხრეთოსური სასაზღვრო თემატიკის საკითხების განხილვას ეხება, ფილიპ ლეფორს აეხსნა, რომ მსგავსი საკითხები აღნიშნული შეხვედრის ფორმატში არ შედის", _ აცხადებენ რუსეთის საგარეო საქმეთა სამინისტროში.
შგახსენებთ, რომ რამდენიმე ხნის წინ რუსეთის საგარეო საქმეთა მინისტრის პირველმა მოადგილემ გრიგორი კარასინმა გააკეთა განცხადება იმის შესახებ, რომ საოკუპაციო ხაზის გადმოტანის საკითხი აბაშიძესთან შეხვედრაზე განხილული არ იქნებოდა. ამ განცხადების შემდეგ ზურაბ აბაშიძემ გააკეთა განცხადება იმის შესახებ, რომ აღნიშნულ თემაზე კარასინთან საუბარს აპირებს.
მასალის გამოყენების პირობები