თბილისში ევროპის პარლამენტის საგანგებო დელეგაცია იმყოფება. ევროპარლამენტარების საქართველოში ვიზიტი ორდღიანია. ვიზიტის ფარგლებში, 3 ივნისს შეხვედრა გაიმართება სამოქალაქო საზოგადოების წარმომადგენლებთან, ასევე მედიისა და საპარლამენტო უმცირესობის წარმომადგენლებთან.
ხოლო 4 ივნისს ევროპარლამენტარები შეხვდებიან სახალხო დამცველ უჩა ნანუაშვილს, შს მინისტრ ირაკლი ღარიბაშვილს, იუსტიციის მინისტრ თეა წულუკიანსა და სასჯელაღსრულების, პრობაციისა და იურიდიული დახმარების საკითხთა მინისტრ სოზარ სუბარს.
შეხვედრების დასრულების შემდეგ ევროპარლამენტარები პრესკონფერენციას გამართავენ და ვიზიტის შედეგებს შეაჯამებენ.
