ნატოს გენერალური მდივნის სპეციალური წარმომადგენელი კავკასიასა და ცენტრალურ აზიაში ჯეიმს აპატურაი პარლამენტის თავმჯდომარეს დავით უსუფაშვილს ხვდება. იუსტიციის სახლში შეხვედრა ცოტა ხნის წინ დაიწყო.
შეხვედრის დაწყებამდე Mმხარეებს მედიის წარმომადგენლებთან კომენტარი არ გაუკეთებიათ. თუმცა გავრცელებული ინფორმაციით, შეხვედრაზე საუბარი შეეხება საქართველოს ნატოში ინტეგრაციასა და ოკუპირებულ ტერიტორიებზე შექმნილ ვითარებას.
შეგახსენებთ, რომ ჯეიმს აპატურაი საქართველოში ვიზიტის მთავარი მიზანია ივნისში ჩრდილოატლანტიკური საბჭოს საქართველოში ვიზიტის მომზადება. ვიზიტის ფარგლებში აპატურაი შეხვედრებს გამართავს აღმასრულებელი და საკანონმდებლო ხელისუფლების წარმომადგენლებთან.
