სახელმწიფოს ვალდებულებაა დაიცვას კანონი და იყოს გამჭვირვალე ამ კანონს დაცვის დროს. ამის შესახებ "ჯი-ეიჩ-ენისთვის" მიცემულ ინტერვიუში ისრაელის საგანგებო და სრულუფლებიანმა ელჩმა იუვალ ფუქსმა განაცხადა და დასძინა, რომ დემოკრატიის ჩამოყალიბებაში უმნიშვნელოვანესია სამოქალაქო საზოგადოების როლი.
"ხაზს გავუსვამდი საზოგადოების როლს დემოკრატიის ჩამოყალიბების საქმეში. იმისათვის რომ ჩამოყალობდეს სამოქალაქო საზოგადოება- ღია საზოგადოება, ამაში სახელმწიფოს ჩართულობა იმდენად არ არის საჭირო. მივესალმებოდი თუ ისრაელის არასამთავრობო ორგანიზაციები დაიწყებდნენ მუშაობას საქართველოში ან რაღაც სახით მოხდებოდა ადამიანებს შორის ინფორმაცის გაცვლა", - განაცხადა ელჩმა.
იუვალ ფუქსმა აღნიშნა, რომ მნიშვნელოვანია ადამიანებს შორის ურთიერთობები და მისი გაღრმავება.
"ადამიანებს შორის ურთიერთობა ბევრად უფრო მნიშვნელოვანია ხანდახან, ვიდრე სახელმწიფოთა დონეზე მიღებული გადაწყვეტილებები. შეიძლება ყოველთვის არა, მაგრამ ხშირ შემთხვევაში ერებს შორის ურთიერთობა უფრო მეტად მნიშვნელოვანია. ერების დაახლოება შეძლება მოხდეს ბევრი სხვადასხვა სახით, მაგალითად, დაძობილებული ქალაქები იქნება ეს, რასაც ტყუპ ქალაქებს ეძახიან, თუ იქნება ორგანიზაციები, რომლებიც დაკავებულნი არიან ახალგაზრდული პროგრამებით, სპორტული ორგანიზაცები, თუ იქნება ეს არასამთავრობები, რომლებიც მუშაობენ სამოქალქო საზოგადოებაზე და სამოქალაქო საზოგადეოებისთვის", - განაცხადა ელჩმა.
