ნუ დაგავიწყდებათ, რომ დამასკო თბილისთანაც საკმაოდ ახლოს არის. მხოლოდ ისრაელის პრობლემა არაა ის, რაც ხდება ახლო აღმოსავლეთში.
ამის შესახებ "ჯი-ეიჩ-ენისთვის" მიცემულ ინტერვიუში ისრაელის საგანგებო და სრულუფლებიანმა ელჩმა იუვალ ფუქსმა განაცხადა.
მისი თქმით, საქართველო, მართალია ახლო აღმოსავლეთის პირდაპირი მეზობელი არაა მაგრამ, მას ყავს ახლო აღმოსავლეთის პირდაპირი მეზობლები, იქნება ეს თურქეთი თუ აზერბაიჯანი.
"საქართველო, მართალია ახლო აღმოსავლეთის პირდაპირი მეზობელი არაა მაგრამ, თქვენ გყავთ ახლო აღმოსავლეთის პირდაპირი მეზობლები, იქნება ეს თურქეთი თუ აზერბაიჯანი. მე მესმის, რომ საქართველოს პრიორიტეტი არის ევროატლანტიკურ ორგანიზაციაში გაწევრიანება, რომ არის დიდი პრობლემა, რომელსაც თქვენ უპირისპირდებით ჩრდილოელი მეზობლის სახით... რუსეთთან ურთიერთობაა დასალაგებელი და ასე შემდეგ. მაგრამ ნუ დაგავიწყდებათ, რომ ყურადღება უნდა მიექცეს ასევე სამხრეთელ მეზობლებსაც. ჰენრი კისინჯერს აქვს ნათქვამი, თუ თქვენ არ ესტუმრებით ახლო აღმოსავლეთს, ახლო აღმოსავლეთი გესტუმრებათ თქვენ. მართალია ეს ეს სხვა კონტექსში იყო ნათქვამი, მაგრამ მაინც... ასევე, არ უნდა დაგავიწყდეთ, რომ შარშან საქართველოში მოხდა აფეთქება, ჩვენი საელჩოს კუთვნილი მანქანა ააფეთქეს, ეს სირიასთან არაა კავშირში, მაგრამ კავშირში იყო სხვა ახლო აღმოსავლეთის ქვეყანასთან. საქართველომ უნდა მიაქციოს ყურადღება იმას რაც ხდება სამხრეთ ნაწილში. იმიტომ რომ ახლო აღმოსავლეთი არც ისე შორს არის თქვენი ქვეყნიდან", - განაცხადა ელჩმა.
იუვალ ფუქსმა აღნიშნა, რომ სირიაში შექმნილი ვითარება არის საკმაოდ რთული.
"სიტუაცია ამ ქვეყანაში არის საკმაოდ რთული და დაძაბული. ათი ათასობით ადამიანი დაიღუპა სიარიაში თვითონ სირელების ხელით. უმარავი ადამიანი იძულებული გახდა დაეტოვებინა სახლები და ლტოლვილად ქცეულიყო. ეს არის რეგიონალური უსაფრთების პრობლემა, ეს არაა მხოლოდ ისრაელის პრობლემა. ჩვენ ვთქვით გასაგებად, რომ გვექნებოდა რეაქცია, თუ სირიის პრობლემა გადმოვიდოდა სირიის საზღვრებიდან. რაც სამწუხაროდ, ხდება ახლა და ასევ გარკვევითა და ხაზგასმით ვთქვით, რომ ჩვენგან რეაქცია მოყვებოდა ჰესბოლასთვის იარაღის მიწოდების ნებისმიერ ფაქტს. ეს არის ის ხაზი, რომელიც არ უნდა იქნეს გადაკვეთილი, წინააღმდეგ შემთხვევაში ისრაელი იძულებული იქნება რეაგირება ჰქონდეს ამაზე", - განაცხადა ელჩმა.