დღეს, 3 ივნისს, საქართველოს სამუშაო ვიზიტით ეწვია ნატო-ს გენერალური მდივნის სპეციალური წარმომადგენელი კავკასიასა და ცენტრალურ აზიაში, ჯეიმს აპატურაი.
ვიზიტის მთავარი მიზანია ივნისში ჩრდილოატლანტიკური საბჭოს საქართველოში ვიზიტის მომზადება.
აპატურაი შეხვედრებს გამართავს აღმასრულებელი და საკანონმდებლო ხელისუფლების წარმომადგენლებთან.
ამასთან, ნატო-ს გენერალური მდივნის სპეციალური წარმომადგენელი მონაწილეობას მიიღებს ნატო-ს კვირეულის ფარგლებში დაგეგმილ ღონისძიებებში.
