,,კარასინთან შეხვედრისას საოკუპაციო ზოლზე მიმდინარე მოვლენებს გვერდს ვერანაირად ვერ ავუვლით", - განაცხადა მთავრობის სხდომის დაწყებამდე პრემიერ-მინისტრის სპეციალურმა წარმომადგენელმა რუსეთთან ურთიერთობის საკითხებში ზურაბ აბაშიძემ.
,,ამ საოკუპაციო ზოლზე მიმდინარე მოვლენებს გვერდს ვერანაირად ვერ ავუვლით, აუცილებლად შევეხებით ამ საკითხს, მაგრამ საგნობრივად მისი განხილვა ამ ფორმატში არ მოხდება კი არა, ვერ მოხდება. მოვისმინე ითქვა, რომ რა დროს ექსპორტზე საუბარია? რას ნიშნავს, რა დროს ექსპორტზე საუბარია! ღვინოს ჩვენ იქ საჩუქრად არ ვაგზავნით და საქეიფოდ არ მივყვებით. ეს არის ქართული ექსპორტი, რომელიც შევა რუსულ ბაზარზე, რომელიც გააძლიერებს ჩვენს კომპანიებს, ჩვენს ეკონომიკას", _განაცხადა აბაშიძემ.
