ამერიკის შეერთებული შტატები ლიბანში ძალადოდობის ეკალაციის გამო შეშფოტებას გამოთქვამს და აკრიტიკებს რადიკალურ შიიტურ მოძრაობა „ჰეზბოლას". ამის შესახებ სპეციალური განცხადება ამერიკის სახელმწიფო დეპარტამენტის წარმომადგენელმა ჯენიფერ პსაკიმ გააკეთა.
მისი თქმით, ამერიკის შეერტებული შტატები აკრიტიკებს რადიკალური დაჯგუფების ლიდერის ჰასან ნასრალას განცხადებას, სადაც ის ღიად აცხადებს, რომ მისი ბოევიკები მონაწილეობენ სირიის კონფლიქტში და იბრძვიან მოქმედი ხელისუფლების სასარგებლოდ.
„ამერიკა შეშფოთებულია, ასევე, ლიბანის არმიის საკონტროლო-გამშვებ პუნქტზე განხორციელებული თავდასხმის გამო, რომლის დროსაც სამი სამხედრო მოსამსახურე დაიღუპა. ეს ფაქტი დადასტურებაა იმისა, რომ სირიაში მიმდინარე კონფლიქტი საფრთხეს წარმოადგენს ლიბანისთვის და ლიბანის მშვიდობიანი მოსახლეობისთვის", - განაცხადა სახელმწიფო დეპარტამენტის წარმომადგენელმა.
შეგახსენებთ, რომ საერთაშორისო საზოგადოება მკაცრად აკრიტიკებს სირიის კონფლიქტში სახელისუფლებო ძალების სასარგებლოდ დაქირავებული ბოევიკებისა და უცხო ქვეყნიდან შესული მეომრების მონაწილეობას. „ჰეზბოლას" ბოევიკების გარდა, ბაშარ ასადის რეჟიმის სასარგებლოდ კონფლიქტში ერაყელი შიიტებიც აქტიურად არიან ჩართული.
სამოქალაქო დაპირისპირება სირიაში და კონფლიქტი ხელისუფლებასა და ოპოზიციას შორის უკვე ორი წელია მიმდინარეობს. ამ დროის განმავლობაში, გაეროს მონაცემებით,
მასალის გამოყენების პირობები
