შინაგან საქმეთა ყოფილი მინისტრი კობა ნარჩემაშვილი აქტიურ პოლიტიკაში ბრუნდება. ამის შესახებ ნარჩემაშვილმა "პრაიმ ტაიმის" პრესკლუბში განაცხადა და აღნიშნა, რომ საქართველოში "სოციალ-დემოკრატიული" იდეოლოგიის დრო მოდის.
"2010 წელს მარტში, უმრავლესობის დეპუტატ გია ჟორჟოლიანთან ერთად დაფუძნდა "სოციალ-დემოკრატები საქართველოს განვითარებისთვის" რომლის თავმჯდომარეც არის გია ჟორჟოლიანი. მე ვარ ამ პოლიტიკური გაერთიანების საბჭოს წევრი. მიუხედავად იმისა, რომ იყო ხშირი შემოთავაზებები სხვადასხვა პოლიტიკური ძალისაგან არ მინდოდა ჩემი პოლიტიკური აქტივობა ყოფილიყო დაკავშირებული რომელიმე პარტიასთან. მე დღეს ვთვლი რომ მოდის "სოციალ-დემოკრატიული" იდეოლოგიის დრო. ჩვენც ვფიქრობთ რომ სოციალური სოლიდარობა უმნიშვნელოვანესია. ამიტომაც ჩვენ გააქტიურებას, რეგიონში წარმომადგენლობის გახსნას და ყრილობის ჩატარებას ვაპირებთ", -აცხადებს ნარჩემაშვილი.
