განათლების კომიტეტმა პრეზიდენტის ვეტო უნივერსიტეტების შესახებ არ გაითვალისწინა. საპარლამენტო უმცირესობის ერთ-ერთი ლიდერის სერგო რატიანის თქმით, უმრავლესობის მიერ შემუშავებული აღნიშნული საკანონმდებლო ინიციატივა უნივერსიტეტების დამოუკიდებლობას ზღუდავს, რის გამოც მას პრეზიდენტმა ვეტო დაადო. რატიანი წუხს რომ დეპუტატები პრეზიდენტის ვეტოს საკანონმდებლო ინიციატივაზე არ ითვალისწინებენ.
„სამწუხაროა, რომ კომიტეტმა არ გაითვალისწინა პრეზიდენტის შენიშვნა. აღნიშნული ინიციატივა უნივერსიტეტების დამოუკიდებლობის აღკვეთას და ავტონომიის ჩამორთმევას გულისხმობს. მიუხედავად იმისა პარლამენტის უმრავლესობაში არიან დეპუტატები, რომლებიც პრეზიდენტის ამ შენიშვნას ითვალისწინებენ, თუმცა უმრავლესობა საერთო ჯამში აღნიშნულ საკანონმდებლო ინიციატივას არ იზიარებს", - განაცხადა სერგო რატიანმა.
შეგახსენებთ, რომ უნივერსიტეტების შესახებ საკანონმდებო ინიციატივას პრეზიდენტმა ვეტო რამდენიმე კვირის წინ დაადო.