რუსეთის შს სამინისტრომ ე.წ. კანონიერი ქურდების არაფორმალური აღწერა ჩაატარა. ინფორმაციას ამის შესახებ რუსული მედია ავრცელებს. აღნიშნული აღწერის შედეგად დადგინდა, რომ რუსეთში, დსთ ქვეყნებსა და შორეული საზღვარგარეთის ქვეყნებში 428 კანონიერი ქურდი მოქმედებს. რუსეთის იზოლატორებსა და კოლონიებში აღნიშნული კატეგორიის 73 ადამიანია, ხოლო სხვა ქვეყნებში - 3.
ოპერატიული მონაცემებით, ბოლო დროს ე.წ. კანონიერმა ქურდებმა თავისი საქმიანობა გააქტიურეს იტალიიდან, საფრანგეთიდან, სავერძნეთიდან და არაბეთის გაერთიანებული საემიროებიდან. სამამულო კრიმინალური სამყაროს ეთნიკური შემადგენლობა პრაქტიკულად უცვლელია - მათი უმრავლესობა საქართველოდანაა.
მხოლოდ გასულ წელს შს სამინისტროს თანამშრომლებმა სხვა და სხვა მასშტაბის რამდენიმე ე.წ. ქურდული შეკრება დაშალეს და სხვა და სხვა დანაშაულისათვის 18 კრიმინალური ავტორიტეტი დააკავეს. მათ წინააღმდეგ აღძრული იქნა 14 სისხლის სამართლის საქმე. კიდევ 11 ე.წ. კანონიერი ქურდი მიგრაციული კანონმდებლობის დარღვევით იქნენ დაკავებულნი. ყველა მათგანი რუსეთის ფედერაციის ტერიტორიიდან გააძევეს.
