პრესის საერთაშორისო ინსტიტუტის საქართველოს კომიტეტი- IPI-Gerogia ჟურნალისტური ეთიკის ქარტიის საბჭოს შერჩვითი მიდგომაში ადანაშაულებს, - ამის შესახებ ნათქვამია IPI-Gerogia -ს განცახდებაში, რომელცა გთავაზობთ უცვლელად:
„საქართველოს ჟურნალისტური ეთიკის ქარტიის განცადება რუსთავი-2-ის გადაცემა P.S.-ში კვირას, 26 მაისს გასულ კადრებთან დაკავშირებით პოლიტიკური დაკვეთაა.გადაცემაში გავიდა პრეზიდენტის და ქართველ სამხედროთა შეხვედრის კადრები, სადაც პრეზიდენტი ღიად სვამს შეკითხვებს ქართველი სამხედროების მეირ ტერორისტების წინააღმდეგ ბრძოლის დეტალებზე, მათ მკვლელობაზე და ა.შ.
ეთიკის ქარტიას მიაჩნია, რომ ამ კადრების ჩვენებით სახედროების უსაფრთხოება დარტყმის ქვეშ დგება, რადგან შესაძლებელია მათი იდენტიფიცირება.
ჯერ ერთი, ავღანეთში მყოფ ჯარისჯაცებს სხვა ბევრი მედია საშუალებით აჩვენებენ, მათ შორის უცხოური. ეს არ არის საიდუმლო ქვედანაყოფი და ზოგადად, ჯარისკაცების მედიასთან, თუნდაც პრეზიდენტის თანხლებით, ურთიერთობა შიდა წესებით რეგულირდება.თუ არ რეგულირდება, ეს თავდაცვის სამინსტროს პრობლემაა და არა მედიაორგანიზაციის. ტერორისტებს ჯარისკაცების იდენტიფიცირება ამ კადრებით სულაც არ სჭირდებათ, ისინი ისედაც იბრძვიან მათ წინააღმდეგ, უკვე იქ ყოფნით არიან თალიბანის სამიზნეები. მაგ პრინციპით, უკან დაბრუნებული სამხედროების ჩვენებაც სახიფათოა, მიუხედავად მათი ინტერვიუს შინაარსისა. თავი დავანებოთ იმას, რომ ჟურნალისტური ქარტია, ორგანიზაციის მიზნებიდან და წევრთა კომპეტენციიდან გამომდინარე, ვერ გამოდგება სამხედროთა უსაფრთხოების რისკის შემფასებლად
ასეთი მასალის გავრცელებისთვის, შესაძლოა განცხადება გაეკეთებინა თავდავის სამინსტროს. მაგრამ, როგორც სჩანს, პოლიტიკური ზეწოლის ბრალდების თავიდან ასაცილებლად, მათ ეს არ გააკეთეს. სამაგიეროდ, თითიდან გამოწოვილი არგუმენტებით განცხადებას ავრცელებს მედიაორგანიზაცია, ანუ ის ფატობრივად, პოლიტიკურ დაკვეთას ასრულებს, როგორც პრეზიდენტის, ისე დღევანდელი მთავრობისგან ფაქტობრივად, ერთადერთი დამოუკიდებელი ტელეკომპანიის წინააღმდეგ.
ეთიკის ქარტიის კრიტიკა ივანიშვილის საკუთრებაში მყოფი თუ მისდამი ლოიალური მედიასაშუალებების მიმართ არასოდეს გავრცელებულა. მხოლოდ ერთხელ გააკრიტიკეს მე-9 არხი, როდესაც მათ 17 მაისის შეკრებას გეების აღლუმი უწოდეს. იგივე არ გააკეთეს იმედის წინააღმდეგ, როდესაც მათ ასეთივე განცხადება უკვე დედაენის ბაღში დაგეგმილ აქციასთან დაკავშირებით გაავრცელეს. ან, როდესაც ‘'მაესტრომ'' ყალბი კადრები გაავრცელა რესტორან ‘'ლა ტრუფეში'' მომხდარ ჩხუბზე და სხვა მრავალი შემთხვევა.
ეთიკის ქარტიის მოქმედებაში იკვეთება შერჩვითი მიდგომა, რომელიც ნაკარნახევია პოლიტიკური მოკერძოებულობით თუ სხვა, არაპროფესიული მოტივებით", - ნათქვამია განცხადებაში.
