,,საპარლამენტო უმცირესობა პროტესტის ნიშნად პლენარულ სხდომას არ დაესწრება", -განაცხადა პარტიის ოფისში გამართულ პრესკონფერენციაზე ,,ნაციონალური მოძრაობის" წევრმა გიორგი ბარამიძემ და აღნიშნა, რომ ვანო მერაბიშვილის დაკავება ქვეყნის საერთაშორისო იმიჯზე ნეგატიურად იმოქმედებს.
,,საქართველოს ხელისუფლებამ ჩვენი ქვეყნის ისტორიაში უპრეცედენტო გადაწყვეტილებაა მიიღო პოლიტიკური დევნის, მუქარისა და შურისძიების მიმართულებით და დააპატიმრა საქართველოს ყოფილი პრემიერ-მინისტრი, მთავარი ოპოზიციური პარტიის გენერალური მდივანი, რაც რა თქმა უნდა, საშუალო და გრძელვადიან პერსპექტივაში საზიანო იქნება ჩვენი ქვეყნის როგორც საშინაო, ისე საგარეო პოლიტიკისთვის", _განაცხადა ბარამიძემ და აღნიშნა, რომ ,,ნაციონალური მოძრაობა" მომხდარის გასაპროტესტებლად სხვადასხვა მეთოდს გამოიყენებს.
,,დღეს, საპარლამენტო უმცირესობა არ დავესწრებით პარლამენტის პლენარულ სხდომას და ჩვენი რაიონული ორგანიზაციების მხარდამჭერებთან და წევრებთან ერთად საქართველოს რვა რეგინში სადაც არის საოლქო პროკურატურები გაიმართება საპროტესტო აქცია ჩვენი გენერალური მდივნის ვანო მერაბიშვილისა და სხვა უკანონოდ დაპატიმრებული ივანიშვილის პირადი პატიმრების გათავისუფლების მოთხოვნით", _ განაცხადა ბარამიძემ.
მასალის გამოყენების პირობები