საპარლამენტო უმრავლესობის ერთ-ერთი ლიდერის ირინა იმერლიშვილის განცხადებით, ,,ნაციონალური მოძრაობის" წევრების ირმა ნადირაშვილისა და სერო რატიანის განცადება იმის შესახებ, რომ საპატიმროში შესვლა სურთ მათი პარტიის გენერალურ მდივანთან და სამომავლო გეგმებზე საუბარი სრულიად არასერიოზულია.
მისი თქმით, მხოლოდ საქართველოს პარლამენტის თავმჯდომარეს აქვს უფლება დელეგირება მისცეს კონკრეტულ პიროვნებას საპატიმროში შესვლისა და პატიმრის მონახულების.
,,ნადირაშვილისია და რატიანის განცადება, რომ მათი პარტიის გეგმებზე საუბარი სურთ პარტიის გენერალურ მდივანთან სრულიად არასერიზულია, რადგან ციხეში მყოფ პატიმართანN საუბარი სამომავლო გეგმებზე, ვფიქრობ, რომ მათი მხრიდან პოლიტიკური დემაგოგიაა. პარლამენტის თავმჯდომარეს აქვს უფლება კონკრეტულ დეპუტატს დელეგირება მისცეს საპატიმროში შესვლისა და პარტიის გენერალური მდივნის მონახულების. თუმცა ამ ეტაპზე ჩემი ინფორმაციით, უსუფაშვილი ამ დელეგირების უფლებას არ გამოიყენებს", _განაცხადა იმერლიშვილმა.