,,მნიშვნელოვანი და აუცილებელია გარანტირებული იყოს შეკრებისა და აზრის გამოხატვის თავისუფლება", _ განაცხადა ჟურნალისტებთან აშშ-ის ელჩის მოვალეობის შემსრულებელმა ბრიჯიტ ბრინკმა პრემიერთან შეხვედრის შემდეგ დღეს დაგეგმილი აქციების კომენტირებისას.
"ჩვენ ვიცით იმ შეკრების შესახებ, რომელიც დღეს საღამოს არის დაგეგმილი. ამასთან დაკავშირებით აშშ-ის პოზიცია უცვლელი რჩება - ნებისმიერი დემოკრატიული ქვეყნისთვის მნიშვნელოვანი და აუცილებელია გარანტირებული იყოს შეკრებისა და აზრის გამოხატვის თავისუფლება, ეს გახლავთ როგორც აშშ-ის, ისე საქართველოს კონსტიტუციის ნაწილი", - განაცხადა ბრიჯიტ ბრინკმა და აღნიშნა, რომ იგი მიესალმება ივანიშვილის განცხადებას, რომლითაც ლგბტ საზოგადოების მიმართ დაფიქსირებული ძალადობა დაგმო.
შეგახსენებთ, რომ თბილისში დღეს ორი აქციაა დაგეგმილი ერთი აიკრძალოს ლგბტ პროპაგანდა, ხოლო მეორე აქციის ლოზუნგია "არა თეოკრატიას".