"ქვეყანას დღეს არ სჭირდება ადამიანი, რომელიც მხოლოდ იმიტომ გაიმარჯვებს, რომ მმართველ გუნდს წარმოადგენს და სხვა კრიტერიუმები, გარდა პრემიერის ფავორიტობისა, არ გააჩნია. პიროვნებამ, რომელსაც კონცეფცია, ძალა, კომპეტენცია არა აქვს, საკუთარი ლეგიტიმურობა რაზე უნდა დააყრდნოს? კიდევ უფრო უცნაურად მეჩვენება პრემიერის მიერ ხაზგასმა "მეგობრულ" ურთიერთობაზე, ხელის გადახვევა. იმის თქმა, რომ მთავარი პრემიერის სიმპათია და გუნდის წევრობაა, სხვა დანარჩენი კი მეორეხარისხოვანი, იმაზე მიუთითებს, რომ ამომრჩევლის აზრს მნიშვნელობა უკვე აღარ აქვს. ნუთუ იმისათვის ვიბრძოდით ამდენი წელი, რომ მნიშვნელობაწართმეული და გამოფიტული არჩევნები დაგვებრუნებინა? არადა რეალურად საპრეზიდენტი არჩევნები პირველი ოქტომბრის შემდეგ რეალურად პირველი თავისუფალი არჩევნები უნდა გახდეს და მას გარიგებების თ დანიშვნის სუნი არ უნდა ასდიოდეს. თუ ამას დავუშვებთ, არჩევნებისა და დემოკრატიული ინსტიტუტებისადმი ახლადშექმნილი ნდობა საზოგადოებაში აუცილებლად გაქრება და მასთან ერთდა ჩვენი ოცნებაც",- აცხადებს სალომე ზურაბიშვილი.

იბრძოლებს თუ არა საპრეზიდენტო არჩევნებში, სალომე ზურაბიშვილი ამაზე არ საუბრობს, თუმცა საკუთარ თავს აღნიშნული თანამდებობისატის შესაფერის კანდიდატად მიიჩნევს.

"მიმაჩნია, რომ ჩემი გამოცდილებისა და კომპეტენციიდან გამომდინარე, ახალი კონსტიტუციის ფარგლებში, საპრეზიდენტო ფუნქციები ყველაზე კარგად მომესადაგება",- აცხადებს სალომე ზურაბიშვილი.

გაზეთთან ინტერვიუში ის სამართლიანობის აღდგენის პროცესზეც საუბრობს.

"მაინტერესებს რატომ არ განგვიმარტავს ხელისუფლება სამართლიანობის აღდგენასთან დაკავშირებით რა გეგმები აქვს? ეს აუცილებელი პირობაა იმისათვის, რომ ნაციონალური მოძრაობის მიმართ აგრესია საზოგადოებაში ჩაქრეს. აგრესიით მართვა და ზალადობის გამოყენება სწორედ სააკაშვილის რეჟიმის დამახასიათებელი ნიშანი იყო, როგორც ხალხის მართვის ერთ-ერთი ძირითადი ბერკეტი.