პრემიერ-მინისტრი ბიძინა ივანიშვილი ვერ აკონკრეტებს მუდმივად შეინარჩუნებს თუ არა შალვა ფიფია სოფლის მეურნეობის მინისტრის თანამდებობას. როგორც ჟურნალისტებთან პრემიერმა განმარტა ეს დამოკიდებული იქნება იმაზე თუ რა შედეგით დასრულდება სოფლის მეურნეობის სამინისტროს საქმიანობასთან დაკავშირებით მიმდინარე გამოძიება.
„გამომდინარე იქიდან როგორ დასრულდება გამოძიება და რას იტყვის სასამართლო ამაზე იქნება დამოკიდებული შალვა ფიფია დროებითი იქნება თუ მუდმივი. კანონით უნდა დაგვენიშნა სოფლის მეურნეობის მინისტრის აღარ შეიძლება ყოფილიყო მოვალეობის შემსრულებელი უფრო ხანგრძლივად, შესაბამისად დავემორჩილეთ კანონს, მაგრამ შედარებით რბილი გადასვლა გავაკეთეთ. თუ ყველაფერი დასრულდა კირვალიძისთვის სასიკეთოდ, ასეთ შემთხვევაში ის დაიბრუნებს თავის პოსტს", -განაცხადა ივანიშვილმა.
შეგახსენებთ, რომ ბიძინა ივანიშვილმა სოფლის მეურნეობის მინისტრის პოსტზე შალვა ფიფია დაასახელა, რომელიც ამ დრომდე სოფლის მეურნეობის მინისტრის მოვალეობას ასრულებდა.