,,ნაციონალური მოძრაობა" უფრო დიდი შემართებით შეებრძოლება მთავრობის უგუნურ საქართველოსთვის დამღუპველ პოლიტიკას", - Gგანაცხადა პარტიის ოფისში გამართულ ბრიფინგზე ,,ნაციონალური მოძრაობის" საპარლამენტო უმცირესობის ლიდერმა დავით ბაქრაძემ, რომელმაც ჟურნალისტებს პარტიის პოზიცია გააცნო.
,,ნაციონალური მოძრაობის" გენერალური მდივნის, ქვეყნის ყოფილი პრემიერ-მინისტრისა და ქვეყნის ერთ-ერთი რეალური საპრეზიდენტო კანდიდატის ვანო მერაბიშილის დაკავება, ნათლად წარმოაჩენს პრემიერ-მინისტრის ბიძინა ივანიშვილის არაერთგზის ღიად გამოცხადებულ განზრახვას, ძალისმიერი მეთოდებით გაანადგუროს პოლიტიკური ოპოზიცია ქვეყანაში. Oპოზიციის განადგურების ეს კამპანია შენიღბულია ე.წ. სამართლიანობის აღდგენით და სინამდვილეში წარმოადგენს პოლიტიკური დევნის კლასიკურ ნიმუშს", -განაცხადა ბაქრაძემ და აღნიშნა, რომ ეს ფაქტი დიდი დარტყმას აყენებს საქართველოს საერთაშორისო ასპარეზზე.
ბაქრაძის განმარტებით, მთავრობა უგულვებელყოფს ქვეყანაში არსებულ პრობლემებსა და ეს ხდება მაშინ როცა გაუარსდა საქართველოს ეკონომიკური მდგომარეობა, გაიზარდა უმუშევრობა და დაბრუნდა კრიმინალი.
მისივე განცხადებით, მერაბიშვილის დაკავებას სიმბოლური დატვირთვაც აქვს, რადგან დააკავეს პოლიციის რეფორმის ავტორი და კრიმინალთან მებრძოლი ადამიანი.
„მიუხედავად იმისა, რომ ჩვენთვის ჩვენი ერთ-ერთი გამორჩეული ლიდერის დაკავება ადამიანური თვალსაზრისით მძიმე დარტყმაა, ჩვენ ვაცხადებთ ,,ერთიანი ნაციონალური მოძრობა" არა თუ შეწყვეტს, ან შეასუსტებს ბრძოლას, არამედ კიდევ უფრო დიდი შემართებით შეებრძოლება მთავრობის უგუნურ საქართველოსთვის დამღუპველ პოლიტიკას, როგორც ქვეყნის შიგნით არამედ საერთაშორისო ასპარეზზე", - განაცხადა ბაქრაძემ.
